Sem framkvæmdastjóri Vaðlaheiðarganganna hefur Valgeir Bergmann þurft að takast á við mikla neikvæða umræðu. Hann er þó sannfærður um að göngin muni sanna gildi sitt og segir háværustu gagnrýnisraddirnar ekki marktækar, sumir setji hreinlega út á allt.
Spurður hverju hann svari þessum gagnrýnisröddum segir Valgeir að hann meti það svo að full ástæða hafi verið til að ráðast í þessa framkvæmd, þótt ákvörðunin hafi auðvitað að vissu leyti verið pólitísk.
„Pólitíkin er búin að svara fyrir að þetta hafi verið réttlætanlegt,“ segir hann. „Ég missti reyndar af allri þeirri umræðu vegna þess að ég var úti í Noregi, ég bara réði mig þarna í vinnu og kom norður í góðum fíling. Svo þegar ég fór að lesa mér til um það sem á undan var gengið og fékk allar þessar spurningar, áttaði ég mig á því að þetta væri kannski aðeins viðkvæmara mál en ég hafði haldið. En það sem margir af þeim sem gagnrýna framkvæmdina mest vita ekki er að Víkurskarðið er annar mest ekni fjallvegur á landinu á eftir Hellisheiði.“
Lestu viðtalið við Valgeir í Mannlífi sem kemur út í fyrramálið.
Mynd / Auðunn Níelsson