Rúntað á Rucio – 10. þáttur: Katalónska óboðleg í Júróvisjón

Þeir Jón Sigurður og Rucio fjalla fyrst um persónuleikapróf og plottið á bakvið þau. Þeir fá lánaða speki frá gríska rithöfundinum Nikos Kazantzakis, sem skrifaði meðal annarra verka Grikkjan Zorba, til að sýna fram á að persónuleikapróf eru einsog skoðannakönnun á meðal forfeðra þinna sem dvelja innra með þér. Þeir
vilja verja þig en geta líka gert þér lífið flóknara, til dæmis, þegar sölumenn reyna að höfða til þeirra í þeim
tilgangi að fá þig til að kaupa hluti sem þú hefur engin not fyrir. Og eins þegar stjörnuspáin er að gabba þig.
Því næst fjalla þeir um katalónska söngvarann og lagahöfundinn Joan Manuel Serrat en hann söng á sínu
móðurmáli, katalónskunni, meðan hörð refsing lá við slíku og reyndi að koma lagi á því tungumáli í
Júróvisjón en spænsk yfirvöld sáu við honum. Athygli vakti, fyrir nokkrum árum, þegar tónleikagestur var að
núa Serrat því um nasir að hann skyldi ekki syngja á katalónsku loks þegar hann héldi tónleika í Barcelona.
Fjallað verður um það og hvernig söngvaskáldið brást við því. Einnig kemur lítillega við sögu argentínska
söngkonan og bassaleikarinn Clara Cantore og telja þeir félagar óhætt að mæla með því að hlustendur leiti
hana uppi á Spotify eða Youtube til að heyra hana flytja lagið Nací en el Mediterraneo, Fæddur við
Miðjarðarhafið, en það lag samdi einmitt Joan Manuel Serrat. Þá verður fjallað um Antonio Machado en
hann er eitt merkasta skáld sem Spánverjar hafa átt en það er Serrat að þakka að fjölmargir kunna ljóðin
hans utanbókar enn í dag. Sagt verður frá sviplegum dauða skáldsins við lok borgarastyrjaldarinnar og hvað
fannst í jakkavasa hans á hinsta degi.