DZEK – samspil handverks og iðnaðar

Hönnunarfyrirtækið Dzek var stofnað af Brent Dzekciorius árið 2013. Markmið Dzek er að hanna vörur með listræna þýðingu og sameinar fyrirtækið næmni handverks og iðnaðar.

Nálgun fyrirtækisins byggir á samspili fortíðar og nútíðar og er mikil virðing borin fyrir náttúrunni og efninu sem er þróað í samvinnu við hönnuði, arkitekta og efnafræðinga. Á þann hátt er hráefni sem fellur til umbreytt í gagnlegar vörur og er sérhvert húsgagn smíðað af faglærðum iðnaðarmönnum.

Marmoreal-línan er hönnuð í samstarfi við breska hönnuðinn Max Lamb og er drifin áfram af arkitektónískum sjónarmiðum. Frumlegt og fjölbreytt úrval vara, allt frá flísum, borðum og stólum yfir í vaska, smáhluti og fleira gert úr marmara-terrazzo.