Þessi hlýlega og fallega íbúð í Hafnarfirði prýðir forsíðu hátíðarblaðs Húsa og híbýla. Íbúðin er í eigu hjónanna Báru og Egils og búa þau ásamt þremur börnum, Degi, 12 ára; Birtu, 10 ára og Sóley Emblu, eins árs.
Fjölskyldan hefur einungis búið í íbúðinni í níu mánuði og unnið hörðum höndum við að gera heimilið að sínu. Útkoman er hreint út sagt frábær enda eru bæði Bára og Egill miklir fagurkerar. Hún er útstillingahönnuður og hann kokkur af guðs náð.
Íbúðin stendur við sjóinn og út um gólfsíða gluggana er frábært útsýni sem líkist málverki svo magnað er það. En við þessa sömu glugga létu þau Egill og Bára gefa sig saman síðasta sumar. Útsýnið er einmitt ein meginástæða þess að þau festu kaup á eigninni sem er fjögurra herbergja og 140 fermetrar að stærð.
Sjáðu innlitið til Báru og Egils í heild sinni í hátíðarblaðinu.
Tryggðu þér áskrift að Hús og Híbýli í vefverslun
Texti / Bríet Ósk
Myndir / Hákon Davíð Björnsson