Hægt að versla myndlist milliliðalaust á markaði Innipúkans

Grafík- og myndlistarmarkaður Innipúkans er viðburður sem myndlistaráhugafólk ætti ekki að láta fram hjá sér fara.

Innipúkinn 2019 fer fram yfir verslunarmannahelgina líkt og áður. Hluti af hátíðinni er grafík- og myndlistarmarkaður Innipúkans – Amazing Art Market, þar sem hægt verður að kaupa listaverk milliliðalaust af listamönnum.

Fjölbreyttur hópur hönnuða og myndlistafólks selur listaverk sína á grafík- og myndlistarmarkaði Innipúkans sem verður haldinn sunnudaginn 4. ágúst við Bryggjuna Brugghús og Messann Granda frá klukkan 13-17.

Þetta er gott tækifæri fyrir þá sem vilja fjárfesta í myndlist.