Smart baðherbergi í skemmtilega ólíkum stíl.
Smáatriðin skipta máli. Lekkert að setja afskorin blóm úr garðinum í glæran vasa eins og á þessari mynd. Einnig geta blöndunartækin skipt miklu máli og hér eru þau gamaldags í stíl við baðherbergið.
Mjög töff að hafa tvo vaska og tvo eins spegla eins og hér er gert og litirnir eru sérlega hlýlegir. Það kemur vel út að hafa rimlana við sturtuklefann og smart að hafa blöndunartækin fest við vegginn.
Íslendingar eru mikið fyrir hvítt, svart og grátt enda klassískt en það er líka einstaklega gaman að prófa aðra liti og stökkva út fyrir þægindarammann. Þessar bleiku flísar eru einstaklega fallegar en þær eru frá Equipe og fást í Álfaborg. Brúna innréttingin með gullinu og gólfflísarnar koma sérlega vel út á móti þessum bleiku.
Hér er bæði veggur og flísar með steinaáferð sem kemur einstaklega vel út en þetta baðherbergi er hannað af Hönnu Stínu innanhússarkitekt. Baklýsingin í speglinum er sérlega töff. Mynd/Gunnar Sverrisson.
Frístandandi baðkör geta sett afar fallegan svip á baðherbergið en þau eru til í mörgum stærðum og gerðum, allt frá rómantískum og gamaldags til stílhreinna, eða eins og á myndinni, úr steini. Mynd/Tommasso Riva.