- Auglýsing -
Rammagerðin státar af miklu úrvali hönnunarvara og listmuna frá íslenskum hönnuðum. Lampar eftir keramíkhönnuðinn Ragnheiði Ingunni Ágústsdóttur hafa vakið verðskuldaða athygli en þeir bera heitið Ljósberar og minna einna helst á skúlptúr.
Hugmyndin að hönnun þeirra kviknaði í samtali Ragnheiðar við vinkonu sína um eftirlætisblóm. Þá segist Ragnheiður hafa áttað sig á því að hún ætti sér ekkert uppáhaldsblóm en þykkblöðungar hafi alltaf heillað hana, en það eru plöntur sem þola og þurfa mikið sólskin. Umgjörð lampanna er eins konar eilífðarlauf og ljósið sjálft er eins og afleggjari á leið út í lífið. Lamparnir eru handgerðir og er hver lampi því einstakur á sinn hátt. Hægt er að skoða úrvalið í verslun og á heimasíðu Rammagerðarinnar.