Í sumar ætlar Kirsuberjatréð að standa fyrir gleðiviðburðum þar sem borgarbúum og öðrum gestum gefst kostur á að upplifa listir og leik. Hugmyndin er að sýna samstöðu og bjóða hönnuðum og listafólki að koma og selja vörurnar sínar endurgjaldslaust og um leið hleypa lífi í miðbæinn. Stefnt er að því að halda þrjá útimarkaði í porti Kirsuberjatrésins, fyrir aftan búðina, og umhverfis hana, tvo laugardaga til viðbótar í sumar.
Framundan eru markaðir þann 18. júlí og 22. ágúst og verður haft opið frá klukkan 12-17.
Kirsuberið býður aðildarfélögum Hönnunarmiðstöðvar, listafólki og tónlistarfólki að koma til að selja þær vörur sem það hannar, skapar, býr til og peppa sig upp eftir COVID-19 krísuna. Fyrir þá sem vilja vera með er fyrirkomulagið þannig að að hver og einn kemur með sitt borð og er ókeypis að taka þátt. Hægt er að skrá sig á einn eða alla markaði sumarsins með því að senda póst á [email protected].