Við kíktum í heimsókn til Bjarna Viðars Sigurðssonar, leirlistamanns, og fengum að skoða bæði heimili hans og vinnustofu.
Bjarni býr í fallegu timburhúsi í norðurbæ Hafnarfjarðar ásamt eiginmanni sínum, Guðbrandi Árna Ísberg.
Áður en Bjarni ákvað að elta draum sinn að læra leirlist, starfaði hann innan bankageirans. Það var ekki aftur snúið þegar Bjarni kynntist leir þegar hann var í námi í Myndlistaskólanum í Reykjavík.
„Það var rosa mikil upplifun. Það varð bara sprenging í öllu kerfinu,“ segir Bjarni þegar hann er spurður hvernig honum hafi liðið þegar hann snerti leir í fyrsta skipti.
Í dag hefur Bjarni sitt lifibrauð af leirlistinni og hafa umsvifin aukist mjög. Hann leggur þó mikla áherslu á að hvert verk sé handgert og einstakt.
Nánar í nýjasta tölublaði Húsa og híbýla.
Tryggðu þér áskrift að Hús og Híbýli í vefverslun
Myndir / Aldís Pálsdóttir
Myndband / Hákon Davíð Björnsson og Unnur Magna