Ný bók um verk ARKÍS arkitekta hefur verið gefin út hjá sænska forlaginu Arvinius + Orfeus. Bókin ber titilinn: Natural Elements – Arkís Architects.
Arkís arkitektar er ein stærsta arkitektastofan á Íslandi og var stofnuð árið 1997. Stofan hefur tekið að sér fjöldann allan af verkefnum bæði hérlendis og erlendis og á dögunum kom út bók sem ber heitið Natural Elements og fjallar um helstu verk stofunnar líkt og Háskólann í Reykjavík, Apotek Hotel við Austurstræti, Snæfellsstofu og sundlaug í Holmen í Noregi svo eitthvað sé nefnt.
Sjálfbær hönnun, sérstæð þekking og fjölbreyttar byggingaraðferðir er leiðarstef bókarinnar sem telur 224 blaðsíður. Ritstjóri er Tomas Lauri og textana rituðu Tomas Lauri, Livio Dimitriu, Sigríður Magnúsdóttir og Atli Magnus Seelow en einnig er að finna viðtöl við arkitekta Arkís. Bókin er á ensku.