- Auglýsing -
Afskorin blóm í vasa geta lífgað verulega upp á heimilið og á sumrin er sérlega gaman að tína villt blóm og setja í falleg ílát. Tilvalið er að leika sér svolítið með blómin, blanda saman villtum, afskornum og blómum úr garðinum og hugsa út fyrir boxið hvað varðar vasa og framsetningu.
Hver segir að blóm þurfi endilega að vera í blómavasa? Hægt er að nota vatnskönnur, fallega bolla eða glös og gamlir tekatlar eða kaffikönnur geta vel hýst frjálslegan blómvönd á eldhúsborðinu. Ýmsar grænar plöntur og strá geta líka hentað vel í vöndinn. Hér gildir í raun að gefa hugmyndafluginu lausan tauminn.
