Fimmtudagur 28. mars, 2024
3.8 C
Reykjavik

Fyrsta Svansvottaða einbýlishúsið á Íslandi

VefTv

- Auglýsing -

Hlaðvörp

- Auglýsing -

Við Brekkugötu 2 í Urriðaholti stendur fallegt einbýlishús sem er merkilegt fyrir margra hluta sakir en það er fyrsta umhverfisvottaða einbýlishúsið á Íslandi. Við heimsóttum hjónin sem byggðu húsið þau Finn Sveinsson, viðskipta- og umhverfisfræðing og Þórdísi Jónu Hrafnkelsdóttur, hjartalækni og fengum að kynnast verkefninu nánar en húsið prýðir forsíðu ágústblaðs Húsa og híbýla. Þar sem ekki var pláss í blaðinu fyrir allar myndirnar sem voru teknar í þessu áhugaverða húsi þá ákváðum við að birta þær hér.

Vonast til að fleiri byggi umhverfisvænt

Húsið er hannað af Sigurði Einarssyni arkitekt og Batteríinu Arkitektum en markmiðið var að byggja umhverfisvottað einbýlishús með öllum nútímaþægindum sem vottað væri af viðurkenndum þriðja aðila sem í þessu tilfelli er Svanurinn. Einnig var markmiðið að sýna fram á að bygginarkostnaður umhverfisvottaðs einbýlishúss væri ekki hærri en byggingarkostnaður annarra húsa sem ekki hafa hlotið slíka vottun.

Heildarstærð hússins er 216 fermetrar og er það á tveimur hæðum með áföstum bílskúr/hjólaverkstæði en Finnur og Þórdís eru miklir útivistarkappar. Við hönnun hússins var gengið út frá því að viðhaldi yrði haldið í lágmarki og efnisval því í samræmi við það. Ekki var gerð sú krafa að byggingarefnin væru umhverfisvottuð en þurftu þau samt sem áður samþykki Svansins en í því felst að efni sem talin eru krabbameinsvaldandi, hormónatruflandi eða hafa áhrif á frjósemi eru bönnuð.

- Auglýsing -

Svansvottunin nær til byggingarinnar sjálfrar, byggingarefnis, orkunotkunar og lýsingar en ekki til innbús, eðli málsins samkvæmt. Finnur og Þórdís reyna þó eftir fremsta megni að velja sér húsgögn sem uppfylla kröfur þeirra um vottun en hefur það reynst töluverður hausverkur. Í því samhengi segir Finnur að fólk sé ekki að átta sig nægilega vel á tækifærunum sem í því felast að selja umhverfisvottuð húsgögn en eftirspurn eftir þeim er sífellt að aukast. Hann vonast því eftir að fyrirtæki fari almennt að verða betur meðvituð um umhverfismál.

Með byggingu hússins vildu þau greiða leið annarra sem á eftir koma við að velja umhverfisvæn byggingarefni og lausnir og segir Finnur að eftir fimm ár vonist þau hjónin til að húsið þeirra þyki ekki sérstakt heldur verði það normið að byggja umhverfisvænt.

- Auglýsing -

Ekki missa af ágústblaðinu sem er stærra og með nýtt útlit!

Smelltu hér til að gerast áskrifandi að Húsum og híbýlum.

Myndir / Unnur Magna

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -