Hressandi litafegurð hjá eiganda Akkúrat | Mannlíf

Hús & híbýli

Hressandi litafegurð hjá eiganda Akkúrat

Kíkt í morgunkaffi til Sigrúnar Guðnýjar Markúsdóttir á Kvisthaganum.

Hönnunarverslunin Akkúrat opnaði nú í sumar í Aðalstræti og hefur verið tekið fagnandi af fagurkerum, Sigrún Guðný Markúsdóttir er eigandi Akkúrat en hún hefur verið viðloðandi verslunarbransann í mörg herrans ár. Við heyrðum í Sigrúnu og fengum að kíkja til hennar í morgunkaffi á Kvisthagann þar sem hún býr í skemmtilegri risíbúð ásamt dætrum sínum tveimur; Aniku og Salvöru.

Jólatré komið út í glugga.

Sigrún var með jólalög á fóninum þegar við mættum og litla jólakúlur lágu á borðstofuborðinu tilbúnar á jólatréð, sem stóð nett og pent í stofunni; örugglega minnsta jólahrísla sem við höfum myndað fyrir Hús og híbýli en samt svo ógurlega sjarmerandi.

Sigrún hlær þegar við játum að hafa aldrei séð svona smátt, skreytt jólatré og segist bara vera mjög nægjusöm í lífinu. Hún játar að vera svolítill hippi í sér og kaupir sér sjaldan eitthvað nýtt nema það heilli hana alveg upp úr skónum. Hún á því hluti og húsgögn sem hafa fylgt henni lengi.

,,Ég er til dæmis alltaf á leiðinni að fá mér nýtt sófaborð en svo þykir mér svo ógurlega vænt um þetta að ég læt ekki verða af því. Þetta borð er frá Filippseyjum og allt einhvern vegin snúið og skakkt en það er bara svo mikil sál í því.“

En hvar kaupir hún þá helst húsgögn og annað fyrir heimilið?
,,Ég keypti mikið af því sem ég á á flóamörkuðum í Danmörku. Við bjuggum fyrst á Nørrebro í Kaupmannahöfn og þar í kring er svo mikið af alls konar mörkuðum og við gátum bara labbað heim með húsgögnin.

,,Ég keypti mikið af því sem ég á á flóamörkuðum í Danmörku. Við bjuggum fyrst á Nørrebro í Kaupmannahöfn og þar í kring er svo mikið af alls konar mörkuðum og við gátum bara labbað heim með húsgögnin.
Einu sinni keyptum við meira að segja sófa og roguðumst heim með hann fótgangandi.“

Einu sinni keyptum við meira að segja sófa og roguðumst heim með hann fótgangandi,“ svarar hún hlæjandi.

 

Vesturbærinn að verða nafli alheimsins

Sigrún á húsgögn sem hafa fylgt henni lengi.

,,Ég er úr Mosó en ég fór tiltölulega ung að heiman og fór þá að leigja í Bergstaðarstræti og svo á Lokastíg og bjó alltaf í miðbænum á þessum árum. Svo fluttum við, ég og minn fyrrverandi, til Danmerkur í nokkur ár og þegar við vorum að flytja heim til Íslands aftur þurftum við að taka ákvörðun um hvar við vildum búa. Þar sem mikið af okkar fólki bjó hér í Vesturbænum lá beinast við að flytja hingað. Foreldrar mínir búa að vísu ennþá í Mosó og mér finnst æðislegt að koma þangað; dalurinn er yndislegur og bærinn líka. Okkur langaði samt meira að búa hérna.“

Hvað finnst þér best við Vesturbæinn? „Þetta er svolítið eins og lítill bær inni í borg, eins og til dæmis Fredriksberg í Danmörku, þar sem ég bjó en þar er sér borgarstjóri og bærinn svolítið bara eins og kommúna inni í borginni. Hér er allt sem ég þarfnast; ég fer mjög mikið í sund í Vesturbæjarlaugina og ræktina út á Nesi, stelpurnar mínar eru í KR í íþróttum og svo er örstutt að labba í miðbæinn. Brauð og co er svo að fara að opna við hliðina á Kaffi Vest þannig að Vesturbærinn er bara að verða nafli alheimsins“, segir hún og hlær.

Sigrún hefur verið í hönnunar- og verslunarbransanum í mörg ár en hvað varð til þess að hún ákvað að opna eigin verslun? „Ég átti fyrir mörgum árum verslunina Flauel á Laugavegi með Báru í Aftur og það blundaði í mér að fara út í eitthvað sjálf aftur. Svo kom tækifærið þegar Hönnunarmiðstöð bauð út plássið í Aðalstræti 2, þá ákvað ég að hella mér út í þetta, búa til „concept“ og fá strákana í hönnunarstúdíóinu Döðlum til liðs við mig og úr þeirri samvinnu og hugmyndavinnu varð hönnunarverslunin Akkúrat til. Hugmyndin er að bjóða uppá rjóman af íslenskri hönnun og íslenskri list.“

Viðtalið í heild sinni má sjá í Hátíðarblaði Húsa og híbýla sem fæst á öllum sölustöðum.

Texti / Sigríður Elín Ásmundsdóttir
Myndir / Hákon Davíð Björnsson

Ertu með frétt?
Hefur þú skemmtilegt efni til að koma á framfæri?

Sjá einnig

Kaupa áskrift
Kaupa áskrift

Vinsæl íslensk og vegleg tímarit

Ef þú vilt tryggja þér glæsileg og vegleg tímarit, komdu í áskrift!

Kaupa áskrift

Lesa Mannlíf á netinu