Jólin eru ekki allra, en þau má krydda og gera gleðileg fyrir alla. Hér að neðan eru átta atriði sem gott er að vita til að gera jólin gleðilegri … að hætti Trölla.
Möndlugjöfin
Er kappið og keppnis andinn að fara með þig. Til að tryggja þér möndlugjöfina í ár mundu þá eftir að taka þína eigin möndlu með í boðið.
Pakkalestur
Ef þú ert sá sem les á pakkana lestu þá fyrst bara á pakkana sem eru til þín.
Léleg gjöf frá þér
Ef þú keyptir lélega pakka skrifaðu þá á gjafamiðann að þeir séu frá einhverjum öðrum.
Uppljóstrun
Ef þú veist innihaldið pakkans segðu þá upphátt hvað er í honum á meðan viðkomandi er að opna.
Þakklætið
Loksins pakki til þín frá einhverjum öðrum. Til að lýsa yfir vonbrigðum þínum með innihaldið: Spurðu hvort að pakkinn hafi verið keyptur á tilboði.
Gjöfin sem gleymdist
„Þessi er frá okkur öllum,“ mun redda þér fyrir horn, ef þú gleymdir eða nenntir ekki að kaupa gjöf handa viðkomandi.
Ástin
Láttu kærustuna/kærastann vita að þú keyptir enga gjöf þar sem þú varst óviss hvort þið yrðuð enn saman.
Kveðjustund
Þakkaðu fyrir þig í enda dags með orðunum: „Takk fyrir mig, þetta var gaman … þrátt fyrir allt.“