Áhrifavaldar stofna fyrirtæki og setja nýja vöru á markað

Áhrifavaldarnir, Lína Birgitta Sigurðardóttir, Gurrý Jónsdóttir og Sólrún Diego Elmarsdóttir, hafa stofnað nýtt fyrirtæki sem ber nafnið Lima ehf. Saman stjórna þær hlaðvarpsþáttunum Spjallið og hafa þær stöllur gefið út átján þætti síðan í október á síðasta ári.

Viðskiptablaðið greindi frá nýja fyrirtæki þeirra en samkvæmt skráningargögnum er tilgangur félagsins framleiðsla afþreyingarefnis, markaðstáðgjöf, þjónusta og dagskrágerð.
Lína Birgitta sagði í samtali við Viðskiptablaðið að félagið hafi ekki bara verið stofnað utan um hlaðvarpið heldur sé von á nýrri vöru frá þeim. Von er á vörunni í sumar eða haust, varan sjálf er enn leyndarmál.