- Auglýsing -
Vélstjórinn fyrrverandi, Anna Kristjánsdóttir, fær engar vatnsdeigsbollur á Tenerife en eigendur íslenska barsins hafa neitað að selja henni bollur. Anna hefur sett sér það markmið að komast niður í 72 kíló sem fyrst á árinu.
Í nýjasta pistli Önnu á Facebook, þar sem hún fjallar um líf sitt á eyjunni fögru og kvartar gjarnan undan veðrinu á Íslandi, greinir hún frá því að fá engar bollur.
„Nostalgia vill ekki selja mér vatnsdeigsbollur og ég neyðist til að sleppa því að gerast fitubolla á mánudag og verð að hlaupa á fjall í staðinn. Þá kann ég ekki textann að Bjarnastaðabeljunum og get því ekki heillað Sævar hennar Herdísar á Nostalgíu með fögrum song mínum í von um að fá keyptar bollur,“ segir Anna.
Vélstjórinn fyrrverandi segir bollumissinn þó alls ekki einu neikvæðu fréttirnar af sér á eyjunni. Á næstunni ætlar hún að forðast Íslendinga á Tenerife.
„Eftir síðasta útspil ríkisstjórnar kóvitanna þarf að forðast nýkomna Íslendinga hingað, setja upp grímu og spritta sig áður en þeim verður heilsað, þ.e. ef þeim verður heilsað. Spurningin er hvort heilbrigðisyfirvöld hér í Paradís þurfi ekki að herða reglurnar þegar Íslendingar eru á ferðinni eins og gildir um ferðamenn frá öðrum hááhættusvæðum næstu vikurnar.“