- Auglýsing -
Arnar Eggert Thoroddsen segir Laufeyju vera manneskju ársins.
Laufey Lín Jónsdóttir hefur aldeilis gert það gott á árinu en sennilega hefur engin Íslendingur skotist jafn hratt á stjörnuhimininn á Laufey, sem aðeins 24 ára gömul er komin fram úr U2 í vinsældum á Spotify og með Grammy-tilnefningu. Arnar Eggert Thoroddsen, aðal tónlistarsérfræðingur landsins, þótt víðar væri leitað, er svo hrifinn af Laufeyju að hann vill að hún sé valin manneskja ársins. Og hann er ekki einn um það.
Arnar Eggert skrifaði Facebook-færslu þar sem hann dásamar hina ungu djasstónlisarkonu. Færslan hljóðar svo:
d
„Laufey er komin fram úr U2 í Spotifystreymi. Er nr. 273 á heimsvísu.
Vinur minn Eyþór Ingi segir: „24 ára með tvær djassskotnar breiðskífur og einhverjar smáskífur. Komin með Grammytilnefningu og ég skal hundur heita ef hún fær ekki Grammy.
Verðskuldað og dásamlegt en samt með hreinum ólikindum. Hún hefur ekki bara röddina heldur semur sjálf, spilar listavel á píanó, selló og gítar og er nú ein af mest spiluðu listamanneskjum heims. Manneskja ársins!“. Það er óhætt að taka undir allt hér. Þetta er búið að vera ótrúlegt ár hjá henni. Ég er stoltur!“