- Auglýsing -
Tónlistarmaðurinn og hjartaknúsarinn Auður vill setja íbúðina sína í pössun.
„Omg! Hún er svo næs og kósý – nennir plís einhver meistari að taka hana í pössun,“ segir tónlistarmaðurinn Auðunn Lúthersson, eða Auður eins og hann er gjarnan kallaður, sem auglýsir nú íbúð sína við Leifsgötu til leigu á Facebook.
Með færslunni lætur Auður fylgja slóð á auglýsingu á fasteignavef Morgunblaðsins, þar sem fram kemur að um nýuppgerða íbúð sé að ræða, meðal annars með nýju parketi og eldhúsinnréttingu. Er íbúðin sögð í rómantískri nálægð við Hallgrímskirkju og Sundhöllina, eins og það er orðað í auglýsinguni.
Ekki fylgir hins vegar sögunni hvað íbúðin er stór, en þess getið að leigan sé 200 þúsund á mánuði.