„Ég hef hugsað mikið um þetta. Hún verður að vera heilbrigð. Hreyfir sig, reynir að borða hollt og er sjálfstæð,“ sagði Bergsveinn Ólafsson – betur þekktur sem Beggi Ólafs, í hlaðvarpsþættinum Close Friends nú á dögunum aðspurður hvernig draumastúlkan hans væri. Beggi er doktorsnemi í sálfræði og fyrrverandi knattspyrnumaður en er hann nú búsettur í Los Angeles í Bandaríkjunum þar sem hann stundar nám. „Hingað til hefur týpan mín verið ljóshærð, náttúrulega falleg. Af því sögðu hef ég verið að hitta dökkhærðar og rauðhærðar stelpur, svo ég er opinn fyrir öllu,“ sagði Beggi en fyrrverandi kærasta hans er LXS skvísan Hildur Sif Hauksdóttir.
Aðspurður um kynlíf segir sálfræðineminn: „Mér finnst kynlíf ótrúlega falleg athöfn þar sem þú ert að upplifa eitthvað sem þú getur ekki komið í orð. Falleg athöfn þar sem þú getur tengst manneskju á öðruvísi máta, það er skemmtilegt, gaman, gott og mikil nánd“.
Spurður hvort „góðar júllur“ skipta hann máli segir Beggi: „Nei, ég er rassakarl.“ Þá segist Beggi í rauninni ekki þola skyndikynni. „Ég er verða þrítugur, það er öðruvísi en þegar ég var tvítugur“.