- Auglýsing -
Leikkonan og uppistandarinn Kate Micucci greindi frá því um helgina að hún hafi greinst með krabbamein í lungum. Hún deildi þessum upplýsingum með fylgjendum sínum á samfélagsmiðlinum TikTok og en hún var í aðgerð til að láta fjarlægja krabbameinið. Samkvæmt Micucci gekk aðgerðin vel og að krabbameinið hafi greinst snemma.
Það sem leikkonunni finnst furðulegast er að hún hefur aldrei reykt sígarettu á ævinni en hún segist vera bjartsýn á framhaldið. Micucci er þekktust fyrir að leika í þáttunum The Big Bang Theory en þættirnir eru með þeim vinsælustu sem hafa komið á þessari öld. Þar lék hún Lucy og átti persóna hennar í rómantísku ástarsambandi með Rajesh Koothrappali. Persónurnar glímdu báðar við erfiðleika í lífi sínu og hættu saman.