Poppsúperstjarnan Billie Eilish og bróðir hennar Finneas komu aðdáendum sínum rækilega á óvart í gær með útgáfu tveggja nýrra laga.
Billie Eilish, sem þrátt fyrir að vera einungis tvítug, hefur sópað til sín verðlaunum síðustu árin og risið hratt upp á stjörnuhimininn og trónir nú þar meðal skærustu stjarna. Bróðir hennar, tónlistarmaðurinn Finneas hefur verið við hlið hennar frá upphafi en að jafnaði semur hann lögin en hún textana.
Billie og Finneas komu aðdáendum sínum rækilega á óvart í gær með því að tilkynna þeim á Instagram að út væri komin smáskífan Guitar Songs með tveimur glænýjum lögum, TV og The 30th. „smá óvænt handa ykkuuuuuuuuur…… TVÖ NÝ!!!! „TV“ og „The 30th“!!!!!!!!!!!!!!!! þessi lög skipta svo miklu máli fyrir mig. ég er svo ánægð að þau séu ykkar. ❤️ „Guitar Songs“ KOMIN ÚT NÚNA!!!!!“ skrifaði Billie Eilish í tilkynningunni. Finneas var ögn rólegri í sinni tilkynningu: „Tvö ný handa ykkur frá billie og mér ♥️“
Hægt er að hlusta á þessi stórgóðu lög hér.
View this post on Instagram