Byrjað er að kenna á námskeiðum hér á landi svokallað „Bleyjulaust uppeldi“ sem gengur út á það að venja börn á kopp eða klósett frá fæðingu.
„Bleyjulaust uppeldi er mild, þvingunarlaus leið til að bregðast við náttúrulegum hreinlætisþörfum barns, allt frá fæðingu. Líkt og öll spendýr, streitast ungabörn ósjálfrátt á móti því að óhreinka sig, svefnplássið sitt og umönnunaraðila, og þau tjá það greinilega frá fæðingu. Með BU lærum við merki barnsins og náttúrulegan takt og aðstoðum þau við þetta ferli þar til þau öðlast sjálfstæði á náttúrulegan hátt (venjulega um 9-18 mánaða aldur).“
„Með BU stillum við okkur inn á það sem börn okkar biðja um frá fæðingu, hjálpum þeim að nota salerni á meðan þau þroska hreyfifærni og langtímaminni, og kennum þeim að lokum hvernig á að gera það sjálf. Þetta er mjög náttúruleg leið í átt að sjálfstæði á salerninu“
Þessi leið er sögð vera einfaldari en fólk heldur, það sé í börnum frá fæðingu að láta vita þegar þau þurfi að nota salerni.