Hinn dularfulli tónlistarmaður Cacksakkah var að gefa út plötuna Sögur af fávitum.
Cacksakkah, sem er listamannanafn Friðriks Atlasonar, gaf út sýna fyrstu breiðskífu í gær, 8. mars, á alþjóðlegum baráttudegi kvenna.
Mynd: Aðsend
Í tilkynningu sem barst frá listamanninum segir platan fjalli um misindismenn sem samfélagið sé fullt af. „Það þekkja margir slagorðið frá tónlistarhátíðinni Eistnaflugi; Bannað að vera fáviti. Það merkir að fólk eigi ekki að haga sér eins og fávitar. Ekki vera með stæla, ekki lemja, ekki nauðga. Fáðu samþykki, sýndu virðingu, berðu ábyrgð.
En samfélagið er fullt af fávitum, menn berja, menn nauðga, menn gaslýsa, menn hóta og menn vanvirða. Svo bera menn enga ábyrgð og kenna öðrum um.
Þetta eru sögur af svona mönnum. Við megum ekki gleyma! Við megum ekki þegja!“
Óhætt er að segja að platan sé afar ögrandi fram í fingurgóma enda eru öll lögin á plötunni um mismunandi sögur af þekktum einstaklingum, þó enginn sé nafngreindur, en sögurnar eru allar ljótar. Um er að ræða einhverskonar einræður með tónlist í bakgrunni, svokallað experimental art rokk.
Platan var gefin út á öllum helstu tónlistarveitum og á geisladiski sem fæst í 12 tónum, Lucky Records og Smekkleysu plötubúð.
Hér fyrir neðan má hlusta á plötuna.