- Auglýsing -
Stórstjarnan Cameron Diaz snýr aftur á hvíta tjaldið eftir átta ára hlé. Netflix greindi frá því í gær að Cameron myndi leika aðalhlutverk í nýrri kvikmynd sem nefnist Back in Action, og er titillinn því afar viðeigandi. Síðasta kvikmynd leikonunnar, Annie, kom út árið 2014 en síðan þá hefur hún hvorki tekið að sér hlutverk í sjónvarpsþáttum né kvikmyndum. Netflix gefa úr nýju myndina og er Seth Gordon leikstjóri.
Tökur á myndinni hefjast síðar á þessu ári og verður spennandi að fylgjast með stjörnunni snúa aftur. Á hún á baki glæstan feril sem leikkona en byrjaði í fyrirsætubransanum ung að aldri. Hefur hún bæði verið tilnefnd til BAFTA verðlaunanna og Golden Globe og var tekjuhæsta leikkona í Hollywood árið 2013.