Camilla Rut sýnir nýja kærastann – Kokteilar og golf á Spáni

Áhrifavaldurinn Camilla Rut Rúnarsdóttir opinberaði samband sitt við Valgeir Gunnlaugsson, eiganda Íslensku flatbökunnar, fyrr í mánuðinum. Camilla deilir nú myndum af þeim skötuhjúum í fríi á Spáni, á Instagram síðu sinni. Þar má sjá þau drekka kokteila og spila golf.

Camilla skyldi við fyrrum eiginmann sinn, Rafn Hlíðkvist Björgvinsson, í maí síðastliðinn, eftir þrettán ára samband. Þau eiga saman tvo syni. Hún vakti mikla athygli á meðan skilnaðinum stóð og birti myndband á Instagram þar sem þau útskýrðu tildrög skilnaðarins. Þau virtust sátt með þessa ákvörðun og ætluðu sér að halda góðu vinasambandi.