- Auglýsing -
Rapparinn Cardi B stendur heldur betur í ströngu þessa daganna en í gær var greint frá því að hún hafi ákveðið að skilja við rapparann Offset en þau hafa verið saman síðan árið 2017 og eiga tvö börn saman. Orðrómar um skilnað þeirra hafa verið í gangi í marga mánuði og kemur skilnaður því fáum á óvart.
Það sem kom fólki hins vegar á óvart var að í gær tilkynnti Cardi B um óléttu sína á Instagram og í langri færslu er ekkert minnst á Offset og því velta margir fyrir sér hver hafi þungað Cardi B.
Cardi B sló eftirminnilega í gegn árið 2017 með laginu Bodak Yellow og varð lagið eitt vinsælasta lag þessa árs. Hún er þó sennilega þekktust fyrir lagið WAP en með henni í laginu er Megan Thee Stallion.