Raunveruleikastjarnan Chrishell Stause(40) talar um barneignir á Instagram reikningi sínum í lok desember en er hún nýlega orðin einhleyp. Þá velta erlendir slúðurmiðlar því fyrir sér hvað sé hægt að lesa úr Instagram færslu Chrisell nú rétt fyrir áramót en þar segir:
„Jæja, þessi egg munu ekki frjóvga sig sjálf, en samt kanski…hver veit. Þangað til, 2022, komdu með það“
Vangaveltur slúðurmiðlanna snúast nú um það hvort Chrishell hyggst fara í tækifrjóvgun á árinu. Hefur hún lýst því yfir að ósk hennar sé að verða móðir og eignast fjölskyldu en skildi hún formlega eiginmann sinn Justin Hartley árið 2021. Justin hafði sent henni sms skeyti í lok árs 2019 þar sem hann sagðist vilja skilnað en tók það mikið á sálarlíf stjörnunnar eins og gefur að skilja.
Chrishell er hvað þekktust fyrir hlutverk sitt í þáttunum Selling Sunset sem hafa slegið rækilega í gegn á Netflix.
Chrishell er fasteignasali í Los Angeles en sýna þættirnir frá glamúr lífi fasteignasalanna sem selja eignir milljarðamæringa í Hollywood hæðunum.
Aðdáendur Chrishell bíða því spenntir eftir næstu ævintýrum hennar en hefur hún tæplega 3 milljónir fylgjenda á Instagram síðu sinni.