Danny Trejo réðst á mann á þjóðhátíðardegi Bandaríkjanna – MYNDBAND

Heldur betur óvæntur hlutur á sér stað á þjóðarhátíðardegi Bandaríkjanna í Sunland-Tujunga í Kaliforníu.

Það var hinn magnaði leikari Danny Trejo að keyra um götur bæjarins á blæjubíl að fagna deginum innilega þegar maður nokkur kastaði vatnsblöðru í bíl leikarans. Trejo tók þessu vægast sagt illa og hoppaði út úr bílnum og labbaði að manninum hann taldi að hafi kastað blöðrunni og kýldi hann í andlitið. Maðurinn lét það lítið á sig fá og kýldi Trejo til baka og féll leikarinn í jörðina við höggið. Vinur leikarans reyndi að koma honum til bjargar en sá var einnig kýldur niður. Þegar Trejo stóð upp reyndi hann svo að kasta stól í manninn en ekki sést á myndbandi af atvikinu hvort honum tókst ætlunarverk sitt.

Gestir og gangandi stoppuðu svo slagsmálin en þegar málin voru alveg að róast niður var vatnsblöðru kastað í haus Trejo og þurftu vinir hans að stöðva hann áður en allt færi í tómt rugl. Samkvæmt fjölmiðlum vestanhafs mætti lögreglan á svæðið en enginn var handtekinn.