Heather Renée Sweet betur þekkt sem Dita Von Teese á afar sérstakt heimili í Los Angeles. Dita sem er fyrirsæta og dansari birtist í mörgum af tónlistarmyndböndum Marilyn Manson en voru þau gift um nokkurt skeið.
Heimili Ditu minnir helst á ævintýri en þar er mikil litadýrð og hvert herbergi hefur ákveðið þema. Þrátt fyrir að hafa búið í húsinu í sex ár segir Dita það enn ekki vera tilbúið og líkar henni að hafa mikið fyrir stafni. Hennar fyrsta verk var að mála alla veggi heimilisins í lit en segist hún hafa fælni fyrir hvítum veggjum.
Í andyrinu eru svanir og tré máluð á veggina – minnir óneitanlega á ævintýrið Dimmalimm ekki satt?
Blágrænn er ríkjandi í eldhúsinu – takið eftir ofninum fyrir neðan helluborðið.
Borðstofan er rauð og blá í hólf og gólf. Mynstrið er svolítið kínverskt
Ekki amalegt að fá sér kaffisopa í þessum garði
Dita á nóg af skóm – þvílíkt drauma herbergi
Grátt, silfur og speglar í svefnherbergi stjörnunnar
Tígrisdýr, apaköttur, páfagaukur, sjáið þið fleiri dýr í stofunni?