Guðrún Hafsteinsdóttir dómsmálaráðherra mætti sem leynigestur í vikulega göngu Ferðafélags Íslands í gærkvöld. Óhætt er að segja að ráðherrann stóð sig vel í göngunni og gaf öðru göngufólki hópsins ekkert eftir þrátt fyrir að vera ekki í æfingu. Á efsta tindi Úlfarsfells sagði Guðrún sögur úr lífi og starfi. Sumt var trúnaðarmál.
Getraun var á Facebooksíðu Hliðarskrefsins, gönguhóps Ferðafélags Íslands. Vísbendingar um leynigestinn voru meðal annars Kuldi, Þjóðkirkjan, jarðhiti, Samtök iðnaðarins og loksins Alþingi.
Það var göngugarpurinn Bjarnheiður Erlendsdóttir sem uppgötvaði fyrst að þarna var að sjálfsögðu um að ræða Guðrúnu dómsmálráðherra sem tengis Kjörís, Hveragerði og er æðsti yfirmaður Þjóðkirkjunnar. Bjarnheiður fékk vegleg verðlaun frá Ferðafélagi Íslands. Vikulegar göngur Ferðafélagsins eru á Úlfarsfell kl. 18 á miðvikudögum. Allir eru velkomnir. Ferðirnar eru kynntar á síðunni Hliðarskrefið á Facebook.