Dóttir Oliviu Newton-John segir að móðir sín hafi sagt brandara allt þar til yfir lauk.
Cloe Lattanzi, dóttir Oliviu og John Easterling, ekkill sönkonunnar, settust niður í sínu fyrsta sjónvarpsviðtali eftir andlát Oliviu og ræddu við Today en viðtalið birtist í dag.
Áralöng barátta sönkonunnar við krabbamein hófst árið 1992 en þá sagði hún opinberlega frá því að hún hefði greinst með brjóstakrabbamein. Stofnaði hún Olivia Newton-John Cancer Wellness and Research miðstöðina í Melbourne í Ástralíu og var harður málsvari fyrir krabbameins meðferðum og rannsóknum.
„Ég elska móður mína meira en allt,“ sagði Lattanzi og hélt aftur tárunum. „Hún er mamma mín, skilurðu? Hún er ekki Olivia Newton-John fyrir mér, en ég er svo glöð að hún hafi verið Olivia Newton-John fyrir svo marga.“
Í dag kom út dúett Oliviu og Dolly Parton en þær tóku upp eitt allra frægasta lag Dollyar, Jolene, aðeins nokkrum mánuðum fyrir andlát Oliviu. Horfa má á myndbandið hér fyrir neðan: