Edda deildi tölvupósti frá Þórólfi Guðnasyni, sóttvarnalækni, þar sem gefið er til kynna að hann sé væntanlegur í viðtal í hlaðvarpsþáttinn Eigin Konur. Þórólfur spyr í tölvupóstinum „Fer viðtalið fram í gegnum Teams?“ En Edda skrifar við skjáskot af póstinum: „Segðu mér að þú sért sóttvarnalæknir án þess að segja mér að þú sért sóttvarnalæknir… En nei nei viðtalið er ekki á Teams og grímur eru bannaðar í húsinu.“
Edda Falak er stjórnandi hlaðvarpsins Eigin Konur og hefur fengið til sín fjölda viðmælanda og eru þættirnir orðnir yfir 50 talsins. Hún hefur veitt þolendum ofbeldis vettvang til að segja frá sínum sögum og hefur meðal annara verið fremst í flokki þeirra sem berjast gegn ofbeldismenningu. Ekki eru allir þættirnir byggðir á málum ofbeldis en meðal þeirra sem hafa rætt við Eddu eru Erna Kristín sem talaði um jákvæða líkamsímynd og Sigga Dögg, kynfræðingur. Eigin Konur hafa notið mikilla vinsælda og er þátturinn í sjötta sæti yfir vinsælustu hlaðvarpsþætti landsins á Spotify.