Charles Thomas, einn af meðlimum Frægðarhallar rokksins er látinn, 85 ára að aldri.
Charles var þekktastur sem söngvari hljómsveitarinnar The Drifters en hann lést þann 31. janúar, á heimili sínu í Bowie, Maryland eftir baráttu við krabbamein í lifur, samkvæmt Deadline .
Söngvarinn sálugi byrjaði tónlistarferil sinn sem meðlimur í hljómsveitinni The Five Crowns en allir í bandinu voru svo ráðnir af George Treadwell í hljómsveitina The Drifters til að taka við hinum upphaflegu meðlimum. Með The Drifters söng Charles nokkra af stærstu smellum hljómsveitarinnar en það voru meðal annars There Goes My Baby, Sweets for My Sweet og When My Little Girl is Smiling.
Árið 1988 var Charles innlimaður í Frægðarhöll rokksins fyrir starf sitt í The Drifters og árið 1999 fékk hann sérstök frumkvöðlaverðlaun frá Rhythm and Blues Foundation.
Charles söng með The Drifters í yfir 60 ár en undir það síðasta söng hann með Charles Thomas´Drifters sem var einn af mörgum útgáfum meðlima hópsins. Hljómsveit hans hélt áfram að spila á klúbbum og tónlistarsenum, allt þar til kóróna-veiran lokaði öllu.
Thomas lætur eftir sig eiginkonuna Ritu Thomas og fimm börn þeirra.