Emilíana Torrini segist vilja segja frá einhverju en geti það ekki í nýrri Instagram-færslu. Aðdáendur hennar giska á leyndarmálið.
Ein af okkar allra stærstu stjörnum, söngkonan Emilíana Torrini, er nokkuð leyndardómsfull í nýjustu færslu sinni á Instagram. Þar birtir hún fallega mynd af sér með stríðnisglott og skrifar við hana: „Brenn í skinninu að segja ykkur, en ég get það ekki, bráðum.“
Færslan hefur vakið athygli aðdáenda hennar en margir þeirra skrifa athugasemdir við hana. Einn þeirra spyr hvort ný plata sé væntanleg og tónleikaferðalag á meðan annar spyr hvort hún sé til í að segja frá ef þau lofa að segja engum. En Emilíana hefur engu svarað, enda vill hún sennilega halda þessu leyndu eitthvað lengur, hvað svo sem það er.
Síðast gaf Emilíana út plötuna Racing the Storm ásamt The Colorist Orchestra, árið 2023.
View this post on Instagram