Raunveruleikastjarnan Emma Hernan naut sólarinnar í Cabo San Lucas í Mexíkó í vikunni og birti af sér ótal myndir á samfélagsmiðum. Þrjátíu og eins árs gamla sjónvarpsstjarnan klæddist ótal mismunandi bikiníum við sundlaugarbakkann en við myndirnar skrifaði hún: „Settu bara inn beiðnina mína um að flytja á skrifstofuna í Cabo.‘‘
Emma er fasteignasali og hefur vakið mikla athygli í sjónvarpsþáttunum Selling Sunset. Samstarfskona hennar, Chrishelle Stause, var ánægð með vinkonuna og gaf henni þrjú eld-emoji í athugasemdum. Stjarnan er sátt við aukna athygli og segist líða vel við tökur á þáttunum.
„Ég er mjög ánægð með myndavélarnar í kring. Ég er 100% ég sjálf, hvort sem það er við tökur eða ekki. Ég held að það sé mikilvægt að vera þú sjálf.‘‘
