Fiskikóngurinn Kristján Berg Ásgeirsson lenti í því fyrir nokkru að fá golfkúlu í höfuðið og er nú með myndarlega kúlu á hausnum.
Sjá einnig: Kristján missti allt í Hruninu: „Þegar maður vaknaði var allt farið“
Kristján Berg Ásgeirsson er þekktasti fisksölumaður landsins en hann hefur einnig getið sér gott orð sem sölumaður heitra potta. Þá hafa auglýsingar hans ávalt vakið athygli en þær þykja skemmtilega skrítnar og verður að teljast öruggt að þær verði ekkert minna skrítnar eftir höfuðhöggið sem hinn hressi fisksali fékk í golfi á dögunum.
Kristján Berg hafði verið í golfi en maðurinn sem var á eftir honum á brautinni var ekki hittnari en svo en að hæfa fiskikónginn beint í höfuðið. Í samtali við Mannlíf sagðist Kristján Berg ekki hafa orðið fyrir miklum skaða. „Það skemmdist ekkert, það er ekkert þarna inni,“ sagði hann og hló.