E News! tók saman lista yfir fræga einstaklinga sem ekki allir vissu að væru tvíburar.
Til gamans á þessum fína sunnudegi má hér fyrir neðan skoða ljósmyndir af frægum einstaklingnum sem sennilega fáir vissu að ættu sér tvíburasystkin.
Chloe og Noah Schnapp
Stranger Things stjarnan Noah Schnapp á tvíburasysturina Chloe en hin ungu systkini eru mjög náin.
Christopher og Parker Posey
Gamanleikonan Parker Posey á tvíburabróðurinn Christopher sem starfar sem lögmaður í Atlanta.
Daniel og Jon Heder
Hvað er betra en Jon Heder? Tveir Jon Heder! Daniel Heder er víst ansi vanur að þurfa að skrifa eiginhandaráritanir fyrir eineggja tvíburabróður sinn, Napoleon Dynamite leikarann Jon Heder. Alls eru Heder systkinin sex talsins.
Giovanni og Marissa Ribisi
Leikarinn sem lék skrítna bróður Phoebe í Friends, Giovanni Ribisi á tvíburasysturina Marissu en hún er leikkona eins og brósi.
Hunter og Scarlett Johansson
Marvel-leikkonan og söngkonan Scarlett Johansson á tvíburabróðurinn Hunter. „Ég finn svo mikla tengingu við hann. Hann er með hjarta úr gulli,“ sagði Scarlett í viðtali um árið.
Jacqueline and Jill Hennessy
Rithöfundurinn og sjónvarpsfréttakonan Jacqueline Hennessy þykir svo lík tvíburasystur sinni, Crossing Jordan leikkonunni Jill Hennessy, að hún þarf ítrekað að útskýra fyrir aðdáendum Jill að hún sé systir hennar. Fæstir trúa því þó.
Jake og Joseph Fiennes
Hinn huggulegi stórleikari Joseph Fiennes á sér tvíeggja tvíbura, hann Jake, sem er stórstjarna á sviði skipulagningar á landi og auðlyndum þess, í heimalandinu Bretlandi. Alls eru Fiennes sex talsins en sá elsti, Ralph er einnig leikari eins og Joseph.
Javon Walton og Jaden Walton
Euphoria-stjarnan Javon Walton á eineggja tvíburabróður að nafni Jaden en hann virðist hafa meiri áhuga á íþróttum en leik, samkvæmt Instagram-reikningi hans.
Joselin og Judy Reyes
Leikkonurnar Joselin og Judy Reyes eru tvíeggja tvíburar en þær hafa aðeins einu sinni leikið saman en það var í þætti Scrubs.
Joy og Eva Green
Franska leikkonan og fyrirsætan Eva Green á tvíburasystur að nafni Joy. Samkvæmt Evu kom þeim frekar illa saman þegar þær voru yngri en eru nánari í dag. Joy er gift ítölskum greifa og býr með honum og börnum þeirra og passar upp á vínekrur þeirra. Ekki slæmt líf það.
Laverne Cox og M Lamar
Orange is the New Black stjarnan Laverne Cox á eineggja tvíbura að nafni M Lamar. Lamar er óperusöngvari og tónskáld en hann lék systur sína í einum þætti í Orange is the New Black en þá hugsar karakter Laverne til baka frá því að áður en hún fór í kynskiptiaðgerð. Að sögn Laverne eru systkinin afar náin.
Michael og Ashton Kutcher
Michael og Ashton Kutcher eru tvíburar en Michael greindist með heilalömun aðeins þriggja ára gamall og fór í hjartaaðgerð 13 ára. Árið 2012 sagði Ashton, sem heitir í raun Chris, frá heilalömun bróður síns en Michael var reiður honum í þó nokkurn tíma því hann vildi ekki vera andlit heilalömunar. En hann hefur nú fyrirgefið brósa og segir nú að hann hafi í raun gert honum risagreiða með þessu, því þetta hafi leyft honum að vera hann sjálfur. Michael er aðgerðarsinni og þriggja barna faðir.
Nicholas Brendan og Kelly Donovan
Buffy the Vampire Slayer leikarinn Nicholas Brendan á eineggja tvíbura að nafni Kelly Donovan. Kelly hefur sjálfur leikið nokkur lítil hlutverk, meðal annars tvífara bróður síns í tveimur Buffy-þáttum. Ómögulegt er að sjá hvor er hvor á myndinni hér að ofan.
Patricia og Gisele Bündchen
Ein fallegasta kona heims, hin brasilíska Gisele Bündchen, á sér tvíburasystur og hún er ekki síður falleg, maður minn lifandi. Patricia lifir rólegra lífi en systir hennar en hún sér um viðskiptahlið Gisele og gerir það af myndarskap.
Rachel og Kiefer Sutherland
Rólegur Kiefer! 24-leikarinn Kiefer Sutherland á tvíburasystur að nafni Rachel. Að sögn móður þeirra voru þau farin að hugsa um hvort annað, slík voru tengslin.
Samantha og Charlotte Ronson
Plötusnúðurinn Samantha Ronson, sem sennilega er þekktust fyrir að hafa átt í ástarsambandi við Lindsey Lohan, á tvíburasysturina Charlotte, sem er tískuhönnuður. Mark Ronson tónlistarmaður, er eldri bróðir þeirra, þannig að það er gott í þessu geni.
Sami og Rami Malek
Óskarsverðlaunaleikarinn Rami Malek á sér tvíburabróður að nafni Sami. Þegar Rami og Sami voru yngri voru þeir vanir að þykjast vera hvor annan en þeir hafa orðið ólíkari með tímanum að sögn Sami, sem starfar sem kennari.
Vin Diesel og Paul Sinclair
Fast and the Furious leikarinn Vin Diesel er tvíeggja tvíburi. Bróðir hans heitir Paul Sinclair en hann hefur alltaf passað vel upp á einkalíf sitt og því er lítið vitað um hann annað en að hann aðstoðar tvíburabróður sinn stundum í vinnunni.
Wade og Alanis Morissette
Kanadíska stórsöngkonan Alanis Morissette á tvíburabróðurinn Wade, sem er sjálfur tónlistamaður og jóga kennari.