- Auglýsing -
Fyrsta stiklan fyrir tölvuleikinn Grand Theft Auto VI var birt í gær en aðdáendur Grand Theft Auto-leikjanna hafa beðið árum saman eftir að heyra um næsta leik seríunnar. Rúm tíu ár eru síðan Grand Theft Auto V kom út en hann er næst mest seldi tölvuleikur allra tíma og er það aðeins Minecraft sem hefur verið seldur oftar. Stiklan er strax byrjuð að slá met því hún hefur verið spiluð rúmlega 52 milljón sinnum á aðeins tíu klukkutímum.
Leikjaserían hefur lengi þótt umdeild fyrir kvennfyrirlitningu og ofbeldi en hún hefur á sama tíma verið lofuð af gagnrýnendum síðan fyrsti leikurinn kom út. Fyrsti Grand Theft Auto-leikurinn kom út árið 1997. Stefnt er á að leikurinn komi út árið 2025.
Hægt er að horfa á stikluna hér fyrir neðan