- Auglýsing -
Illugi Jökulsson birti glænýja örsögu í morgun.
Fjölmiðlamaðurinn og ritsnillingurinn Illugi Jökulsson vekur athygli í hvert skipti sem hann stingur niður penna, nú eða hamrar á lyklaborðið. Örsögur hans sem oftar en ekki gerast í heitum pottum eru meðal þeirra skrifa sem gleðja lesendur hans innilega. Og nýjasta örsagan svíkur engan. Þar segir hann frá tveimur ungum konum sem ræddu um ólík nám.
Hér má lesa hina skemmtilegu örsögu:
„Tvær ungar konur sitja í heita pottinum og spjalla saman. Það kemur fram að önnur þeirra er að læra líffræði.
„Ég hélt alltaf að þú mundir fara í listaháskólann að læra leiklist,“ segir hin.
„Já, ég var alveg að pæla í því,“ segir sú fyrri. „Ég meina, mér fannst alveg gaman að standa á sviði og svona. En svo fór ég að lesa alls konar merkileg leikrit og þá fattaði ég að ég skildi oft bara ekkert í þessum stórskrýtnu persónum, þessu furðulega fólki. Og þá hætti ég við.“
Hún hallaði undir flatt, hélt svo áfram:
„Ég meina, það er auðveldara að skilja mólekúl“.“