Á grónum og skjólgóðum stað í Kópavogi stendur fallegt einbýlishús þar sem vandað hefur verið til verka, bæði innan- og utanhúss. Húsið stendur við Fróðaþing 4 og er 241,1 fermetrar á tveimur hæðum. Lind fasteignasala er með húsið á skrá hjá sér.
Á neðri hæð er rúmgóð forstofa með góðu skápaplássi. Úr sjónvarpsholinu er gengið út á stóran sólpall sem snýr til suðurs en þar er svo sannarlega hægt að eiga gæðastund í heitum potti.
Tvö svefneherbergi eru einnig á neðri hæð, stílhrein með fataskápum og gestabaðherbergið með sturtu. Aðstaða í þvottahúsi er frábær enda mikið skápapláss.
Á efri hæð er ljós eldhúsinnrétting með dökkri granít borðplötu sem passar vel saman. Langur gluggi við eldhúsinnréttinguna setur einnig skemmtilegan svip á eldhúsið. Hæðin er björt enda gólfsíðir gluggar á nokkrum stöðum og arinn á áberandi stað skapar notalega stemningu.
Sjónvarpshol á efri hæð var upprunalega svefnherbergi og því hægt að breyta því aftur í slíkt.
Það er létt og ljóst yfirbragð í þessari fallegu eign og umhverfið er draumur alls útivistarfólks. Fyrir áhugasama má finna allar frekari upplýsingar á vef fasteignasölunnar.