Stærsti tónlistarisi heims er í verkfalli á TikTok-samfélagsmiðlinum og Guðný María Arnþórsdóttir samdi einhverstkonar óð til TikTok.
Gleðigjafinn og sönkonan Guðný María Arnþórsdóttir hefur gefið út glænýtt lag sem heitir TikTok,TikTok en um að ræða einhverstkonar óð til samfélagsmiðilsins. Um lagið segir hún í samtali við Mannlíf: „Músík-geirinn Universal er í verkfalli gagnvart TikTok. Þetta bitnar á okkur. Einu sinni þótti skelfilegt að umboðsmaður hans Elvis Presley tók 50 prósent af tekjum hans, en satt að segja þá taka þessar streymisveitur langt yfir 90 prósent af tekjum okkar lagahöfunda og tónlistarfólks. Af óútskýranlegum ástæðum, þá þykir það í lagi.“
Deila Universal, stærsta tónlistarrisa heims, og TikTok snýr að því að tónlistarrisinn vill að tónlistarfólk fái meira af kökunni en TikTok hefur hingað til viljað gefa en samningur samfélagsmiðilsins við Unversal rann út 31. janúar á þessu ári en síðan þá hefur ekki verið hægt að spila vinsæl lög undir myndbönd notenda miðilsins.
Hér fyrir neðan má sjá nýja lagið hennar Guðnýjar Maríu, sem er eins og önnu lög hennar, fullt af jákvæðni og húmor.