Halla Hrund Logadóttir ætlar að hvíla bláa litinn fyrir komandi kosningar, enda komin í framboð fyrir Framsóknarflokkinn.
Orkumálastjórinn og fyrrverandi forsetaframbjóðandinn Halla Hrund Logadóttir birti skemmtilega ljósmynd af sér á Facebook sem tekin er við myndatökur, sennilega fyrir komandi kosningar. Þar sést hún klædd í forkunarfagran grænan kjól, í stíl við Framsóknarflokkinn. Við færsluna segist Halla Hrund ætla að hvíla bláa litinn sem hún var þekkt fyrir að klæðast þegar hún bauð sig fram til forsetaembættisins. Þá minnir hún einnig á þær áherslur sem hún hefur fyrir land og þjóð. Lesa má færsluna hér fyrir neðan:
„Elsku vinir. Þvílíkur dagur í gær! (Og já – ég er líka farin “að hvíla bláa litinn” eins og sjá má).
Nú hefst baráttan. Þar eru auðlindirnar okkar til sjávar og sveita, náttúran, nýsköpun í víðu samhengi, húsnæðismál venjulegs fólks og geðheilbrigði – fyrir landið allt og framtíðina, efst í mínum huga. Ég hlakka til að ræða þessi mál og heyra hvað brennur á ykkur.“
Ljósmynd: Facebook
Að lokum minnir hún fólk á meðmælaskráningu hennar sem má sjá hér.