- Auglýsing -
Þýski leikarinn Fritz Wepper er látinn, 82 ára að aldri.
Mannlíf sagði frá því á dögunum að Fritz Wepper, þýskur leikari sem þekktastur er á Íslandi fyrir að leika Harry Klein í þáttunum um lögreglumanninn Derrick, væri á dánarbeðinum á hjúkrunarheimili í Efra-Bæjaralandi. Hann hefur nú dregið síðasta andann en hann hafði glímt við erfið veikindi um nokkurt skeið, þar á meðal blóðeitrun.
Wepper andaðist í morgun en eiginkona hans, Susanne Kellerman (49) og dóttir þeirra, Filippa (12), höfðu verið duglegar að heimsækja hann. Eiginkonan staðfesti andlátið við þýska fjölmiðla í morgun.