Geðlæknirinn Daniel G. Amen, MD segir í viðtali við þáttastjórnandann Lisa Bilyeu að rannsóknir sýni að einhleypir karlmenn deyi fyrr í árum talið en kynbræður þeirra sem eru kvæntir – og að einhleypar konur lifi lengur en kynsystur þeirra sem eru í hjónaböndum. Daniel útskýrir að ástæðan sé fólgin í því að konan reki karlmanninn til læknis eða skammi hann fyrir að senda textaskilaboð við akstur. Konan sinnir þar með yfirmanns- og umönnunarhlutverki yfir heilsu karlsins.
Að sama skapi að þá lifi kona sem er gift skemur vegna þessa álags og stress sem fylgi þessu hlutverki í samlífi við karlmann.
Aðspurður um hvernig hægt sé að sporna við þessum sláandi upplýsingum svarar geðlæknirinn Daniel G. Amen:
„Þú passar upp á sjálfa þig.“ Hann notar samlíkinguna að setja súrefnisgrímuna fyrst á þig áður en þú aðstoðar aðra. Hann segir konur ekki almennt gera það og bendir á að í gegnum störf sín hafi hann séð að konur hugi fyrst að öllum öðrum og setji sjálfar sig í síðasta sæti.
Hér má sjá stikluna sem birtist á TikTok:
@docamen Thank you for having me on Women of Impact @lisa_bilyeu #fyp #foryoupage ♬ original sound – Daniel G. Amen, MD