Kata hertogynja var glæsileg að vanda er þau Vilhjálmur prins lentu á Jamaika í vikunni. Klæddist hún síðum kjól, gulum að lit líkt sem minnti á hluta af fána þjóðarinnar. Fyrsti viðburður hjónanna til Karabíahafsins var ferðalag til Trench Town, Kingston þaðan sem reggítónlistin er upprunin.
Vilhjálmur prins og Kata gengu til liðs við nokkra unga knattspyrnumenn þar sem Vilhjálmur sýndi fótboltahæfileika sína á meðan Kata hvatti hann á kantinum. Hjónin hittu fótboltastjörnurnar Raheem Sterling og Leon Bailey en prinsinn var sérstaklega spenntur að sjá Leon Bailey, sem spilar með uppáhaldsliðinu hans, Aston Villa.
Þar á eftir heimsóttu þau Trench Town Culture Yard safnið þar sem tónlistargoðið Bob Marley bjó. Þá hittu þau íþróttafólk frá Jamaíku, meðal annars Ólympíulið á bobsleða sem tók þátt á Ólympíuleikunum í Peking. Höfðu þau gaman að og skelltu sér í sleðann með bros á vör.
