Malagafanginn fyrrverandi, Kristján Einar Sigbjörnsson eða Kleini eins og hann kallar sig, leitar nú að kærustu.
Kleini hefur dvalið í heimabæ sínum, Húsavík um jólin en hann losnaði nýverið úr fangelsi í Malaga. Þar sat hann inni fyrir þrjár alvarlegar líkamsárásir. Þrátt fyrir það virðist hann nokkuð vinsæll hjá kvenfólkinu en sést það best á hrósum sem hann fær frá stúlkum á Instagram.
Sjá einnig: Kristján Einar handtekinn fyrir þrjár alvarlegar líkamsárásir – Situr í fangelsi í Malaga
Í gær birti Kleini myndskeiðum í story hjá sér á Instagram-reikningi sínum en á þeim er hann ýmist að svara aðsendum spurningum eða spila og syngja frumsamin lög (eftir sjálfan sig eins og Eiríkur Fjalar orðaði það). Við eitt lagana skrifaði hann „Væmnasti con landsins óskar eftir prinsessu.“
Seinna í story er hann spurður hvort hann sé opinn fyrir sambandi sem Kleini svarar: „Já, mér líður ekki vel þegar ég er einhleypur, mér líður best í sambandi.“
Þá er hann spurður út í álit sitt á nýja kærasta Svölu Björgvins, fyrrum unnustu Kleina, Lexa Blaze. „Sá kútur. Ég veit ekkert um hann, þekki hann ekki neitt, hef ekkert álit á honum.“