Malaga-fanginn fyrrverandi, áhrifavaldurinn Kristján Einar Sigurbjörnsson, eða Kleini eins og hann kallar sig er nú um mundir, ein umtalaðasta manneskja landsins. Hefur hann vart fengið stundarfrið frá fjölmiðlum síðan hann kom aftur til landsins eftir 8 mánaða fangelsisdvöl á Spáni og hefur sjálfur farið mikinn á samfélagsmiðlum eftir heimkomuna.
Kleini, sem sat inni fyrir þrjár alvarlegar líkamsárásir er lentur á Íslandi og er með hreint út sagt ótrúlegar sögur að segja frá. Meðal þess sem hann segist hafa lent í er hann dvaldi í fangelsinu í Malaga voru hnífsstungur en furðuðu sig margir á saumaleysinu er hann sýndi alþjóð stungusárin. Þá sagðist hann hafa orðið vitni að morði og nauðgunum sem og uppreisn samfanga sinna.
Sjá einnig: Varð Kleini vitni að morði í Malaga-fangelsinu? – Spænskir miðlar þöglir sem gröfin
Að eigin sögn sat Kleini inni fyrir að stilla til friðar í slagsmálum á næturlífi Malagaborgar. Í gær opnaði hann á spurningar frá aðdáendum sínum á Instragram. Ein af þeim spurningum sem þar barst var hvort hann ætlaði sér að „vinna Svölu aftur“ en þau voru einmitt trúlofuð áður en Kristjáni Einar var stungið í fangelsi á Spáni:
„Ég mun aldrei svara neinum spurningum um Svölu, bara svo þið vitið það hér og nú. Ef þið ætlið að spyrja um það þá fáiði engin svör, ekki frá mér.“
Kleini gefur lítið fyrir þá sem saka hann um að vera að ljúga um reynsluna af fangelsinu. „Mér er skítsama hvort fólk trúi þessu eða ekki. Ég veit hvað ég gekk í gegnum, ég veit hvað gerðist svo þið sem trúið þessu ekki – I don’t give a fuck,“ segir Kristján.