Afmælisbarn dagsins er óperusöngvarinn og gleðigjafinn Kristján Jóhannsson. Fagnar hann 75. ára afmæli sínu í dag.
Kristján fæddist á Akureyri árið 1948. Hann fæddist í tónlistarfjölskyldu en hóf þó ekki tónlistarferil sinn fyrr en um tvítugt. Kristján kom fyrst fram á Ítalíu í Osimo í leikhúsi að nafni „Teatro Piccolo la Fenice“. Síðar fór hann að syngja í leiðandi óperuhúsum heimsins eins og Arena di Verona.
Mannlíf spurði Kristján hvort að hann ætli að gera eitthvað í tilefni dagsins.
„Ég ætla að borða hádegismat með börnunum mínum og hafa það rólegt. Einfalt, gott og hjartnæmt“.
Síðan var hann spurður hvort það væri eitthvað framundan í tónlistinni eða í einkalífinu.
Hann segir alla daga vera eitthvað framundan hjá honum og segist syngja nánast alla daga. Í nóvember syngur hann í Vín og Frankfurt. „Það er eitthvað að gerast alla daga.“ segir Kristján hress í lok viðtalsins.
Mannlíf óskar Kristjáni innilega til hamingju með daginn.