„Ég þurfti bara að finna réttu konuna, þá gat ég orðið edrú,“ segir áhrifavaldurinn Kristján Einar Sigurbjörnsson, betur þekktur sem Kleini, í hlaðvarpsþættinum Götustrákar á streymisveitunni Brotkast. DV greindi fyrst frá.
Þar fara þeir yfir stóru málin í lífi Kleina sem opnar sig um kynhvötina og andlegu heilsuna.
„Þetta er ógeðslega skrýtið. Það er það sem ég er að reyna núna, fara á milli lækna, aðeins að lyfjastilla mann. Pælið í því, maður var að drekka á hverjum degi en læknar voru samt að reyna að lyfjastilla mann. Þunglyndislyf eða eitthvað kjaftæði, þetta virkaði ekki jack shit.“
„Ég var dauður sko,“ segir Kleini þegar hann lýsir kynhvötinni þegar hann var á geðdeyfðarlyfjum.
„Ég var á þunglyndislyfjum í sjö ár og það var ekkert í gangi. Enginn áhugi eða neitt þannig og núna fór ég af þeim þegar ég var þarna inni, og núna er þessi uppsöfnuðu sjö ár að sko…,“ segir hann brosandi og örlítið rogginn.
Í þættinum greinir hann frá áhættusömum bólförum sínum og Hafdísar, unnustu sinnar, ef upp hefði komist:
„Sko, við konan stunduðum einu sinni mök í Bláfjöllum, sem var smá áhætta þar sem við komum bæði reglulega fram í fjölmiðlum, ef einhver hefði séð okkur. Það hefði getað farið úrskeiðis.“