General Hospital leikkonan Sonya Eddy er látin aðeins 55 ára að aldri.
ET segir frá því í dag að leikkonan Sony Eddy sem þekktust er fyrir hlutverk sitt í sápuóperunni General Hospital, er látin, 55 ára að aldri. Þar lék hún hina hörðu en góðhjörtuðu hjúkrunarkonu Epiphany Johnson. Samkvæmt talsmanni hennar var henni strax tekið opnum örmum af aðdáendum þáttanna er hún hóf leik sinn í þeim árið 2006.
„Ég er miður min vegna andláts hinnar ótrúlegu Sonya Eddy,“ skrifaði framleiðandi General Hospital, Frank Valentini í yfirlýsingu sem sent var á ET. „Ég elskaði hana sannarlega, ekki aðeins sem leikkonu heldur einnig sem vin. Ljósin á hjúkrunardeildinni verða svolítið dimmari nú en andi hennar og ljós mun bæði lifa áfram í þættinum og á settinu. Fyrir hönd allra hjá GH, bæði leikara og starfsfólks, sendi ég okkar dýpstu samúðarkveðjur til fjölskyldu hennar, vina og aðdáanda. Henni verður saknað mjög.“
Það var Octavía Spencer sem sagði fyrst frá andlátinu í gær en þá skrifaði hún Instagram-færslu. „Vinur minn @sonyaeddy lést í gærnótt,“ skrifaði Spencer við hliðina á ljósmynd af Sonyu. „Heimurinn hefur misst annan listrænan engil. Breiðfylking aðdáanda hennar munu sakna hennar. Hugsanir mínar og bænir eru með ástvinum hennar, vinum og aðdáendum!“
Ekki hefur dánarorsökin verið gerð opinber enn.
Fyrir utan General Hospital var Eddy nokkuð þekkt fyrir leik í þáttum og kvikmyndum á borð við Inspector Gadget, Barbershop, Seven Pounds, Daddy Daycare og Pee-Wee´s Big Holiday.